BYGDARRÁÐSFUNDIR

Fundarskrá til 21.11.2017

LÝSINGAR

-


Fíggjarætlanin fyri 2012 samtykt

08.12.2011

Bygdarráðið samtykti á bygdarráðsfundi 29.11.-11 einmælt fíggjarætlanina fyri 2012.

Rakstrarútreiðslurnar eru mettar at vera 28.285.000 kr í mun til 28.169.000 kr í 2011. Skattir o.a. eru mettir til 34.665.000 kr í mun til 34.540.000 kr í 2011. Íløgurnar (netto) eru 8.200.000 kr, í fjør vóru tær 10.000.000 kr; næstan allar íløgurnar fara til røktarheimið. Avdráttirnir eru 3.700.000 kr, hetta er sama upphædd sum í fjør. Renturnar eru 2.000.000 kr í mun til 1.900.000 kr í 2011.

Skattaprosentið er óbroytt 23%; sambært avtalu við Fíggjarmálaráðið kunnu vit ikki lækka tað, fyrr enn kommunuskuldin er komin undir eina álíkning. Barnafrádrátturin er óbroyttur - 4.000 kr fyri hvørt barnið. Foreldragjøldini eru eisini óbroytt - 1.800 kr fyri hvørt barnið í dagstovni og 1.100 kr fyri hvørt barnið í frítíðaransingini.

Fíggjarætlanin verður væntandi borin út í húsini fyri jól.