BYGDARRÁÐSFUNDIR

Fundarbók frá 28.06.2017

Fiskivinnuskúlan

02.05.2007

Nú verður farið ígongd við at byggja Fiskivinnuskúlan í Vestmanna

Vegna samgonguna hevur landsstýrismaðurin í mentamálum, Jógvan á Lakjuni, nú lagt fyri tingið at broyta verklagslógina  frá 2005 um at byggja nýggjan Fiskivinnuskúla, so at verandi fíggjarkarmur uppá 22 mió. kr. verður hækkaður til 29 mió. kr.

Eftir samtyktina í løgtinginum verður tí farið undir at byggja tann projekteraða bygningin, so at hann verður klárur at taka í nýtslu um ársskiftið 2008-09.

Orsøkin til hækkingina av fíggjarkarminum er, at kostnaðarhækkingarnar í byggivinnuni hava verið so stórar, at tað ber ikki til at byggja skúlan fyri tær 22 mió.kr., sum vóru ásettar í 2005.

Nú hevur so arbeiðstøkan aftur verið bjóðað út, og lisitatiónin var 27. apríl. Út frá hesum mælti Landsverk landsstýrinum til at taka av lægsta boðnum frá MT-Højgaard, sum ger tað neyðugt at hækka fíggjarkarmin við 7 mió. kr.

Tað hevur samgongan gjørt av at fremja, so at farast kann undir byggingina í summar, og nýggjur prýðiligur Fiskivinnuskúli kann standa klárur inni á Fjørð at taka í nýtslu um hálvtannað ár.

Heilsan

Hans Pauli og Bárður