BYGDARRÁÐSFUNDIR

Fundarskrá til 27.02.2018

LÝSINGAR

Bókavørður
Freist 22.02.2018 kl. 12

Frítíðaravloysarar til VEKS
Freist 22.02.2018

Ergoterapeutur og
fysioterapeutur til VEKS

Freist 28.02.2018 kl. 12.00 


Flaggdagshaldið 2016

22.04.2016

 

Flaggdagshald verður uttan fyri Miðhøllina í skúlanum í Frammibø flaggdagin 25. apríl kl. 14.00.
Marjun í Kálvalíð heldur flaggdagsrøðuna, og Vestmanna Hornorkestur luttekur.

Beint aftaná sjálvt flaggdagshaldið verður eins og undanfarin ár skipað fyri renning. Sí renniteinarnar niðanfyri.

Í Miðhøllini skipar VÍF kappróður fyri ymiskum tiltøkum.
Teir ungu rógvararnir fara at rógva stuðulsrógving av rógvimaskinu. Um fólk ikki hava fingið teknað stuðulsbræv áðrenn Flaggdagin, er møguleiki at gera hetta á staðnum, meðan róð verður.
Á skránni verður eisini tombola og fólk fáa møguleika av síggja nýggja 6-mannafarið Fortunu.

Vestmanna Kommuna bjóðar vatn og frukt og somuleiðis ein drekkamunn við onkrum afturvið inni í Miðhøllini aftan á haldið og renningina.

Fornminnisfelag
Fyri at menna áhugan millum manna fyri bygdarsaøguni og teimum sjónligu eyðkennum, sum forfedrarnir av avrikað og lagt úr hondum her á staðnum, hevur ein áhugabólkur ætlanir um at stovna ella endurstovna Vestmanna Fornminnisfelag.
Flaggdagin, kl. 16, hittast øll áhugaði til fundar uppiá í Miðhøllini til eitt kjak um fornminnini í bygdini.
Øll eru hjartaliga vælkomin.

Renniteinarnir
Tveir teinar eru at velja ímillum. Á longra teininum, sum er 5,8 km, verður runnið/gingið frá Miðhøllini, inn eftir Ovara Vegi, inn á Fjørð, út eftir Niðara Vegi, Bakkavegi, niðan ígjøgnum Gerðisbrekku, út á Stíggj og inn eftir Gerðisvegi og Toftavegi. Málið er við frammanfyri Miðhøllina.
Styttri teinurin, sum er uml. 3,2 km, er frá skúlanum, inn eftir Ovara Vegi, inn á Fjørð, út eftir Niðara Vegi, niðan ígjøgnum Heygabrekku, og niðan til málið.
Til ber at síggja teinarnar við at trýsta á myndina niðanfyri, so hon gerst størri.