BYGDARRÁÐSFUNDIR
LÝSINGAR
KORT
VEÐRIÐ
Flaggdagshaldið 2017
24.04.2017
Flaggdagshald verður uttan fyri Miðhøllina í skúlanum í Frammibø flaggdagin 25. apríl kl. 13.00.
Rigmor Rasmussen, varaskúlastjóri, heldur flaggdagsrøðuna, og Vestmanna Hornorkestur luttekur.
Beint aftan á sjálvt flaggdagshaldið verður eins og undanfarin ár skipað fyri renning. Sí renniteinarnar niðanfyri.
Vestmanna Kommuna bjóðar rennarunum vatn og frukt aftan á renningina.
Vestmanna Kvøldskúli skipar fyri framsýning av handaligum arbeiði í skúlastovuni inni av Miðhøllini. Latið verður upp, tá ið rennararnir eru farnir avstað.
Tey, ið hava lutir til framsýningina, verða biðin um at lata teir inn í Miðhøllini mánakvøldið 24. apríl kl. 19.
Stuðulsrógving
Í samband við Flaggdagshaldið hjá Vestmanna Kommunu, sum verður týsdagin 25. apríl, fara ungu rógvararnir at rógva stuðulsrógving. Hetta verður í Miðhøllini.
Um fólk ikki hava fingið teknað stuðulsbræv áðrenn Flaggdagin, eru møguleiki at gera hettar á staðnum, meðan róð verður.
10. flokkur tiltak í ítróttarhøllini
10. flokkur í Vestmanna Skúla skipar fyri rimmar tiltaki í ítróttarhøllini flaggdagin.
Á skránni er m.a. kaffisøla, tónleikur, loppumarknaður, meksikansk uppisøla og eydnuspæl.
Renniteinarnir
Tveir teinar eru at velja ímillum. Á longra teininum, sum er 5,8 km, verður runnið/gingið frá Miðhøllini, inn eftir Ovara Vegi, inn á Fjørð, út eftir Niðara Vegi, Bakkavegi, niðan ígjøgnum Gerðisbrekku, út á Stíggj og inn eftir Gerðisvegi og Toftavegi. Málið er við frammanfyri Miðhøllina.
Styttri teinurin, sum er uml. 3,2 km, er frá skúlanum, inn eftir Ovara Vegi, inn á Fjørð, út eftir Niðara Vegi, niðan ígjøgnum Heygabrekku, og niðan til málið.
Til ber at síggja teinarnar við at trýsta á myndina niðanfyri, so hon gerst størri.
KOMMUNUSKRIVSTOVAN
Vestmanna kommuna
Bakkavegur 8
Postboks 91
FO-355 Vestmanna
Tel. +298 770 100
Fax +298 770 101
vestmanna(a)vestmanna.fo
Kommunuskrivstovan er opin:
mánadag-fríggjadag
kl. 9.00 - 15.00
Kontunummur
Eik Banki: 9181-123.097.4
Bank Nordik: 6460-110.628.9
Suðuroyar Sparikassi: 9870-997.298.7
Barnaansing: 6460-156.028.1
Staðið FM 101
Sunnukvøld frá kl. 21
Hóskvøld frá kl. 21 (endursendingar)