BYGDARRÁÐSFUNDIR

Fundarskrá til 30.05.2017

LÝSINGAR



Spyr bara



Spyr bara verður strikað

Teigurin Spyr bara her á heimasíðuni er farin í søguna.
Avgerðin er tikin av bygdarráði og umsiting í felag.

Orsøkirnar eru fleiri. Ein er, at mett verður, at tað er sera óheppið, at fólk sleppa at seta spurningar ónavngivin, og at hetta er við til at lækka støðið á kjakinum. Fleiri áheitanir eru komnar um hetta frá borgarum í kommununi.
Ein onnur orsøk er, at Vestmanna Kommuna heldur vil koma beinleiðis á tal við borgararnar. Hetta kann gerast, við at borgarar koma á Kommunuskrivstovuna til eitt prát, ella við at senda okkum fyrispurningar við telduposti ella vanligum posti. Harumframt er ein góður møguleiki á Facebook-síðuni hjá Vestmanna Kommunu; har ber eisini til at seta spurningar og gera viðmerkingar.

Vestmanna Kommuna vónar, at borgararnir skilja avgerðina, og at teir ikki halda seg aftur at seta spurningar, gera viðmerkingar og koma við atfinningum, hóast Spyr bara verður strikað.

Møguligt verður í eina tíð at fáa atgongd til Spyr bara í teiginum til vinstru á heimasíðuni, men bert fyri at kunna lesa gamlar spurningar og svar. Seinni verður leinkjan strikað og nýggj leinkja løgd undir Kommunan → kommunalar tænastur.

Vinarliga

Vestmanna Kommuna
Vestmanna, 10. juli 2015


 

LINE-DANSUR

September 29 , 2005
Hví brúka tit auluna til slíkt. Mær kunnugt
er aulan saman við skúlanum vígd av góðun
presti. Hví ikki brúka høllina har er stórt pláss.
Aulan í skúlanum verður brúkt til so mangt. Nevnast kunnu veistlur fyri eldri skúlaflokkum og konsertir av ymsum slag - eisini rock/pop konsertir. Mett verður ikki, at slík tiltøk eru til ampa fyri nakran, og tí er LINE-DANSUR (sum er eitt motiónsdans-tiltak) ikki nakað undantak í so máta. Sum allir vestmenningar vita, so er ítróttarhøllin sera nógv upptikin hesa tíðina á árinum, og tí er trupult at hava tiltakið har. So hví ikki brúka teir møguleikar ið eru? VK