Spyr bara



Spyr bara verður strikað

Teigurin Spyr bara her á heimasíðuni er farin í søguna.
Avgerðin er tikin av bygdarráði og umsiting í felag.

Orsøkirnar eru fleiri. Ein er, at mett verður, at tað er sera óheppið, at fólk sleppa at seta spurningar ónavngivin, og at hetta er við til at lækka støðið á kjakinum. Fleiri áheitanir eru komnar um hetta frá borgarum í kommununi.
Ein onnur orsøk er, at Vestmanna Kommuna heldur vil koma beinleiðis á tal við borgararnar. Hetta kann gerast, við at borgarar koma á Kommunuskrivstovuna til eitt prát, ella við at senda okkum fyrispurningar við telduposti ella vanligum posti. Harumframt er ein góður møguleiki á Facebook-síðuni hjá Vestmanna Kommunu; har ber eisini til at seta spurningar og gera viðmerkingar.

Vestmanna Kommuna vónar, at borgararnir skilja avgerðina, og at teir ikki halda seg aftur at seta spurningar, gera viðmerkingar og koma við atfinningum, hóast Spyr bara verður strikað.

Møguligt verður í eina tíð at fáa atgongd til Spyr bara í teiginum til vinstru á heimasíðuni, men bert fyri at kunna lesa gamlar spurningar og svar. Seinni verður leinkjan strikað og nýggj leinkja løgd undir Kommunan → kommunalar tænastur.

Vinarliga

Vestmanna Kommuna
Vestmanna, 10. juli 2015


 

Fyrispurningur um summarhúsøkir

Mai 30 , 2006
Hey tit.

Fyrispurningur um summarhúsøkir.

Fyri ein av kundum okkara loyva vit okkum at seta fyrispurning viðv. summarhúsøkjum í kommunu tygara:

1) Hava tit serstøk økir til bygging av summarhúsum?
2) Ætlan yvir øki?
3) Kostnað av grundøkjum?



Vinarligar heilsur,
Meklarin.fo

Post Boks 172
FO-600 Saltangará
Telefon 227505
Svarið til spurning 1 og 2 er nei. Kostnaðurin av vanligum grundøkjum (ikki útgrivin) er 250 kr/m2. Byggibúgvin kosta í løtuni 365 kr/m2. VK

 

vetrarfriðing

Mai 26 , 2006
hvussu bleiv við vetrarfriðingini
Hetta er ein politiskur spurningur, sum møguliga kann svarast betur, við at senda eitt bræv til Vestmanna Kommunu. VK

 

Handilsloyvi

Mai 16 , 2006
Skal man hava loyvi frá kommununi til at starta ein handil?
Nei, tað er ikki neyðugt. Loyvi krevst nokk frá fútaskrivstovuni.VK