BYGDARRÁÐSFUNDIR

Fundarbók frá 28.06.2017

Spyr bara



Spyr bara verður strikað

Teigurin Spyr bara her á heimasíðuni er farin í søguna.
Avgerðin er tikin av bygdarráði og umsiting í felag.

Orsøkirnar eru fleiri. Ein er, at mett verður, at tað er sera óheppið, at fólk sleppa at seta spurningar ónavngivin, og at hetta er við til at lækka støðið á kjakinum. Fleiri áheitanir eru komnar um hetta frá borgarum í kommununi.
Ein onnur orsøk er, at Vestmanna Kommuna heldur vil koma beinleiðis á tal við borgararnar. Hetta kann gerast, við at borgarar koma á Kommunuskrivstovuna til eitt prát, ella við at senda okkum fyrispurningar við telduposti ella vanligum posti. Harumframt er ein góður møguleiki á Facebook-síðuni hjá Vestmanna Kommunu; har ber eisini til at seta spurningar og gera viðmerkingar.

Vestmanna Kommuna vónar, at borgararnir skilja avgerðina, og at teir ikki halda seg aftur at seta spurningar, gera viðmerkingar og koma við atfinningum, hóast Spyr bara verður strikað.

Møguligt verður í eina tíð at fáa atgongd til Spyr bara í teiginum til vinstru á heimasíðuni, men bert fyri at kunna lesa gamlar spurningar og svar. Seinni verður leinkjan strikað og nýggj leinkja løgd undir Kommunan → kommunalar tænastur.

Vinarliga

Vestmanna Kommuna
Vestmanna, 10. juli 2015


 

Stadid

Mars 31 , 2008
Hevdi tad ikki verid eitt gott hugskot at lagt nækrar myndir út á heimasíduna hjá kommununi av ungdómshúsinum Stadid, so vit útisetar eisini kunnu síggja? Havi hoyrt so nógv gott um tad, men havi einki sæ enn.

Her eru nakrar myndir frá Staðnum.


 

Umhvørvið.

Mars 31 , 2008
Hey. Vit eru ein bólkur á Handilskúlanum á Kambsdali, ið hava ein spurning viðvíkjandi umhvørvið.



Hevur Vestmanna bygd nakrantíð vunnið fyri at vera reinasta og rudduligasta bygd í Føroyum?



Heilsan Rebekka, Kirstin, Poulina & Dam

við vón um skjótt svar
Nei, tað hava vit tíverri ikki.

 

Hvør ?

Mars 31 , 2008
Hvør er tað ið svarar spurningum, sum verða settir, á hesi heimasíðu ?

Vinarliga Per
Tað er umsitingin hjá kommununi - vanliga borgarstjórin ella skrivarin.

 

Spilloljutangin við bátahylin

Mars 31 , 2008
Í dag og ein dagin herfyri var eg og tømdi spillolju í nevnda tanga, og eg má siga, at har var ikki tespiligt. Olja flýtur allan vegin rundan um tangan, so antin stoyta menn uttan fyri tangan, ella lekur hann, og hann stendur, sum er hann bara slongdur har tilvildarliga, lúkurnar eru brotnar og fastrustaðar, so regnið oysir beint niður í tangan, kanska er tað tað, sum ger at oljan flýtur út? Eg veit ikki, hvør mynduleiki hevur ábyrgd av tanganum, burtursæð frá, at vit, sum nýta hann, hava ábyrgd at fara vandaliga um sjálvandi, men eg havi fleiri ferðir gjørt vart við, at rúmið til dunkar og annað burturkast er fult, og at dunkar við olju í standa uttanfyri, entá avskornir opnir dunkar við olju í. Nú nærkast tíðin til, at ferðafólk koma hendavegin, og júst hasin bletturin í bygdini er, sum øllum kunnugt, staðið, har ferðafólk í túsundatali hópast. So eg fari við hesum staðiliga at heita á kommununa um, at fáa skil hasi viðurskiftini. Tangin kann væl vera har, bara tað sær ordiligt út, og tamarhald er á, hvussu um verður farið
Vit fara at taka áheitan tygara til eftirtektar - ikki fyri at umbera fyri okkum sjálvi, men vit hava rættuliga stórar trupulleikar at fáa tangan tómdan. Vit mugu tó hanga í, tí tangin skal tømast eftir tørvi.

 

parkering niðarivegur

Mars 31 , 2008
eg eri ein av teymun sum búgvi á niðaravegi, vit máa seta bilin upp á fortovið, tí seta vit bilin á vegin. koma førarinir á teymun stóru bilinum ( treilarinum bussar lastbilar ) inn og biða okkum flyta tí teir sleppa ikki forbí tí, vegurin er for smalur. tí verður setta á upp á fortovið.
Verður lagt út uttan viðmerking.

 

Parkering

Mars 27 , 2008
Spurningur til komununa.Er tad loyvt at (parkera) upp á

(fortov) gongubreyt á nidara vegi.Tad hevdi verid gott at

vita hvat komunan segdi, adrenn spurningurin fer til poli-

tidi í útvarpinum.Takk fyri.

Sambært grein 33, stk. 4, í løgtingslógarkunngerð nr. 14 frá 02.03.1988 um ferðslu má steðgur ella parkering ikki fara fram á gongubreyt.

Stk 4 er víst her niðanfyri:
Steðgur ella parkering má ikki fara fram á súkklubreyt, gongubreyt og tílíkum. Við avmerking ella í staðbundnari kunngerð kann fyrisetast, at akfar, hvørs loyvda heildarvekt ikki er meira enn 3,5 tons, kann steðga ella parkera við einum parti av akfarinum á gongubreyt, um so er, at hetta hevur ikki við sær vanda ella ampa fyri ferðsluna á gongubreytini. 1. pkt. er ikki galdandi fyri súkklur og prutl.

Øll lógarkunngerðin sæst her:

http://www.logir.fo/foldb/llk/1988/0000014.htm


 

Bygdarsøga

Mars 26 , 2008
Viðvíkjandi skráseting av staðarnøvnum sum mentanarnevndin hevur mælt til í januar 2008, kundi eg hugsa mær at fingið vita hvat skal skrásetast. Uttangarðs innangarðs ella...? Mær vitandi hevur Vestmanna Kommuna fyrr goldið stórar upphæddir fyri slíkt arbeiði (innangarðs minnist meg rætt). Hetta var kanska tá ið teldan enn ikki var so vanlig millum fólk, so talan er kanska um digitalisering av upplýsingunum(?). Vit vestmenningar generelt hava hopa og ynskt okkum í mong harrans ár eina veruliga bydarsøgu (ein bókling) sum vit kunnu granska í og ikki bert staðarnøvn sum verri enn so øll hava so stóran áhuga fyri. Staðarnøvn er nokk ein sjálvsagdur partur av eini bygdarsøgu, men tað tykist mær sum bygdarráðið byrjar í skeivum enda av søguni. Byrja við at skriva søgu nú tí staðarnøvnini eru fyri langari tíð síðan niðurskrivað.

Ætlanin er at skráseta øll staðarnøvn bæði innan- og uttangarðs; skrásetingin verður talgild. Verandi staðarnavnasavn verður tikið við í hesum arbeiði. Avtala verður væntandi gjørd við rithøvund í vár um at skriva/ritstjórna bygdarsøguna. Bæði arbeiðini kunnu gerast samstundis. Tað skuldi avgjørt verið ein fyrimunur, um ávís samskipan og ávíst samstarv er.


 

Vevmyndin

Mars 19 , 2008
Nú hevur verið so nógv skrivað um hasa vælsignaðu vevmyndina, summi tíma ikki at síggja niður á bussarnar hjá Øssuri, og summi halda at ov lítið sæst til bygdina o.s.fr. Men tvær av myndunum á forsíðuni, sera vakrar, sum allar hinar, sýnast at vera tiknar uppi í Miðalsbrekku, kanska við maskinhøllina hjá kommununi, har sæst bygdin nær um øll sera væl. Hevði tað ikki verið eitt hugskot, at sett myndatólið har uppi?
Jú, hugskotið er gott, men fyribils er ætlanin at seta eitt tól á ljósmastrina omanfyri havnarskrivstovuna, og eitt á ljósmastrina við fejuleguna Inni á Fjørð. Tólið á mastrini omanfyri havnarskrivstovuna skal vísa niðan ímóti bygdini, og tólið við ferjuleguna Inni á Fjørð skal vísa úteftir.

 

Tekniskur leiðari

Mars 14 , 2008
Hvussu ber tað til at Vestmanna Kommuna ikki hevur sókt eftir nýggjum leiðara til teknisku deild? Hvørjar ætlanir hevur kommunan við teknisku deild yvirhøvur? Tað tykist ikki sum at hendan deildin hevur serligan áhugað hjá verandi bygdarráð. Aðrar kommunur vit sammeta okkum við hava í minsta lagi 2 pers. á slíkari deild. Hetta hevði helst eisini at verið gjørt hjá okkum, fyri at fingið skil uppá tekniska økið í bygdini. Minnist meg rætt, so vóru tveir pers. knýttir at deildini fyrr í tíðini. Vinarliga ger okkurt veruligt átak við hendan trupulleika.

Takk fyri upptøkuna.

Tekniski leiðarin segði upp stutt fyri jól. Í tí sambandi umrøddi bygdarráðið møguleikan at umskipa arbeiðsuppgávurnar í umsitingini. Bygdarráðið heitti á kommunuskrivaran Jákup Durhuus um at gerast tekniskur leiðari; Jákup hevur fyrr arbeitt á teknisku deild. Jákup tók av, og tí verður søkt eftir nýggjum kommunuskrivara – umsóknarfreistin er 31.03.’08, so enn er tíð at søkja, um onkur er áhugaður.

Vit ætla at gera eina roynd við einum starvsfólki á teknisku deild fyribils, tí okkara meting er, at nógvar uppgávur verða gjørdar bæði betri og bíligari av uttanhýsis ráðgevum.


 

Íbúgvi

Mars 13 , 2008
Nú verur nógv fokusera uppá órudd hjá einum vissum persóni, og eg haldi at tað er alla æru vert at bygdaráði hevur fingi skil á tí, tí í grótbrotinum hevur ongantíð verði nakað skil á, men so má eg spirja; Hvussu við óruddi hjá øðrum ??

Har liggur nógv annað órudd sum R.I. ikki eigur, ikki so !!



Annars haldi eg at tit hava roynt at fingi skil uppá bigdina, og havi eisini hoyrt at nógvir pengar eru settir av í ár til viðlíkahald av gøtum í bygdini, er tað so ?? ta treingir til.

Vit fara væntandi skjótt undir okkurt ruddingarátak. Rudding er tó ikki so einføld, sum onkur halda. Tað, sum onkur heldur er órudd, hevur stórt virði hjá øðrum. Lógarverkið í sambandi við rudding er eisini heldur ógreitt, tí má ruddingin skipast væl, so slepst undan endurgjaldskrøvum.

Í 2007 vóru 175.000 kr settar av til “Viðlíkahald av vegum og gøtum”, í 2008 eru 590.000 kr settar av til sama øki. Tí kunnu vit vænta, at væl meiri verður gjørt á hesum øki enn undanfarin ár.


 

Omanlop á Fjalsvegi

Mars 13 , 2008
Eg koyri eftir ovaravegi hvønn dag til arbeiðis, havið gjørt tað í nógv ár, og hatta við grótinum niðan fyri hjá Kjartan, hatta hevur altíð verði so, har hevur staðið at lopið øll tey síðstu nógvu árini, tað er ikki nakað nýtt, Kjartan hevur roynt at hjálp uppá tað sum frægast, tað verður vónandi betur og penari tá ið J & K er lidnir har.



Pendlari
Verður lagt út uttan viðmerking.

 

Omanlop á Fjallsvegi ?

Mars 13 , 2008
Niðan fyri - undir - húsinum hjá Kjartan Jacobsen stenda nógv tons av gróti til at leypa. Um ikki hetta grótið verður tryggja, so verður eitt stórt omanlop har, innan langa tíð. J & K Petersen laga í løtuni ein garð, sum verður 3,20 m høgur fram við har, men hetta verður alt ov lítið, til at steðga tí nógva grótinum at fara á bólt.



Ger sitandi bygdarráð nakað við henda trupulleika ?

Tá garðurin er liðugt lagaður, verður skrái gjørdur so langt upp, sum gjørligt - fyri at fáa skráan so brattan, sum gjørligt, er ætlanin at spenna net útyvir, fyri at halda uppá tilfarið, til gróður er komin í.

 

Órudd í grótbrotinum.

Mars 11 , 2008
Hvussu stórt varð samlaða endurgjaldskravið

frá Rólant Isaksen, fyri órudd sum kommunan

av órøttum hevðið beint burtur.

heilsan

Steingrím. Haraldsen.

Semja er gjørd við Rólant Isaksen um endurgjaldsupphædd, tí fara vit ikki at almannakunngerða kravið hjá honum á heimasíðuni hjá kommunununi. Um tú ert áhugaður í upphæddini, so kanst tú biðja um innlit í málið.


 

Fjallsvegur

Mars 11 , 2008
Hvat er status á Fjallsvegið? Heldur tíðarætlanin?



Vinarliga Jónsvein

Á fundi í morgun boðaði arbeiðstakarin frá, at tíðarætlanin heldur, og at ætlanin er at hava fyribils "avlevering" fyrst í apríl mánaða.
Tað, sum tá eftir ætlanini er eftir, er liðugtgerð av laðingini, og møguliga uppseting av autoverju og gøtuljósum. Alt arbeiði skal sambært tíðarætlanini verða liðugt í august í ár.


 

Positiv ella negativ um tú vil....

Mars 10 , 2008
Hví skulu vit verða so positiv her? Er tað ikki her vit borgarar skulu kunna koma av við okkara frustratiónir mótvegis kommununi? Hesin spunarkassin vildi als ikki verið so áhugaverdur um bert positiv ting komu fram her. Ella hvat halda tit?

Vit halda, at tú hevur misskilt endamálið við spurnarkassanum. Spurnarkassin er ætlaður sum ein tænasta til borgaran. Ætlanin var upprunaliga, at áhugað kundu spyrja umsitingina hjá kommununi um ymiskt, gera viðmerkingar og veg-/rættleiða. Ætlanin var avgjørt ikki, at borgarar og onnur ónevnd skuldu nýta spurnarkassan fyri at sleppa av við frustratiónir móti kommununi, bygdarráðslimum og kommunalum starvsfólkum. Ónøgdir borgarar eiga at venda sær til umsitingina, so kann hon taka støðu til málini, sum tey eru ónøgd við.
Vit halda eisini, at spurnarkassin í størri mun enn fyrr verður nýttur til atfinningar móti ávísum persónum. Vit halda ikki, at tað er rætt at viðgera einstaklingar í einum spurnarkassa. Harumframt verður spurt upp í saman um sama mál. Vit svara, men vit halda ikki, at tað skuldi verið neyðugt upp í saman at verja avgerðirnar, sum kommunan tekur. Tit kunnu ikki vænta, at kommunan broytir støðu, um tit áhaldandi júka.
Vit vilja fegin hava sakligar, skilagóðar og grundgivnar viðmerkingar og atfinningar. Okkum hevði eisini dámað væl, um atfinnararnir nevndu seg, tí illgruni kann vera um, at onkur hevur eina fjalda dagsskrá; valstríð til bygdarráðið skal ikki vera á heimasíðuni hjá kommununi.

Vit vilja fegin hava opinleika um arbeiðið hjá kommununi, tí er spurnarkassin eitt gott amboð hjá borgarunum at spyrja um kommunal viðurskifti. Vit vilja fegin halda fram, men vit mugu endurskoða støðuna, um vit halda, at spurnarkassin ikki tænir sínum endamáli.

 

 


 

Privat og privat ?

Mars 10 , 2008
Onnur vera jagstra burtur sum hava bilvrak standandi í kommununi.

Kann kommunan lova øllum at seta bilar aftanfyri nýggu brandstøðina í Miðalsbrekku- har stendur eitt amerikanskt bilvrak, hvat kostar tað at standa har um mánan
Sambært upplýsingum, vit hava fingið, verður bilurin beindur burtur av staðnum í hesi vikuni.

 

Parkering

Mars 10 , 2008
Hesin spurningur er als ikki persónligur !

Bussarnir eru tad ,sum eygad fyrst fangar ,tá ein sær myndina av Vestmanna.Teir fylla í hvussu er mest .

Í dag standa 6 -seks - stórir bussar og ein ítil bussur á kajøkinum.

Hvussu nógvir bussar rúmast á kajøkinum soleidis umleid ?

Tad er jú gott parkeringsøkid og alment .
Myndatólið er flutt uppeftir, so nú skuldu bussarnir ikki verið so sjónligir.
Annars er, sum áður nevnt æltanin at flyta myndatólið - ikki orsakað av bussunum, men tí at vit meta, at ein betri mynd fæst, um vit flyta myndatólið í mastrina omanfyri havnarskrivstovuna.

 

Sera samdur

Mars 10 , 2008
Góða bygdarráð !

Eg seti tykkara avtalu við Rólant sera høgt.

Rólant er ikki annarleiðis enn onnur menniskju, so rættartrygdin fyri hann er tann sama, sum hjá hinum.

Hava tit gjørt nakað skeivt, ja so er neyðugt at rinda.

Øll hava vit meiningar, men her hevur tað ongan týdning, hvat vit meina, men rættsrtrygdina fram um meiningar.

Vit gleðast øll, um tað gongur Rólant og okkum øll um væl.
Verður lagt út uttan viðmerking.

 

grótbrot

Mars 10 , 2008
Eg veit at Rólant Isaksen hevur fingid fleiri áheitanir/brøv frá komunini um at burturbeina alt árudd sum stendur á økinum hjá komunini, hann hevur eisini fingid bod um at, um hann ikki beinir tad burtur sjálvur, so ger komunan tad fyri hansara rokning, Rólant Isaksen gjørdi tó einki vid nakad og lat sum luft, men tá komunan hevdi gjørt bart vaknadi Rólant Isaksen og kravdi endurgjaldskrav fyri tad sum komunan hevdi burturbeint, og tad hevur hann so fingid játta fyri at hann far, 65.000 síggi eg her, tad haldi eg vera heilt ótrúligt, og mín spurningur er, hevur komunan virkiliga loyvid at brúka borgarans skattapengar soleidis??????????

ikki nokk vid tad, nú hevur hann eisini fingid hjálp badi vid fólkid og maskinum frá komunini at rudda sítt egna órudd upp úti í grótbrotinum, hettar haldi eg verda heilt ótrúligt,

hvussu kann hettar bera til, kann eg fáa uplíst hvør er sakførari hjá komunini???????

Kravið hjá Rólanti Isaksen var nógv hægri enn 65.000 kr. Jú, kommunan hevur rætt til at gera avtalur og semjur; mett var, at vandi varð fyri størri útreiðslu, um ongin semja varð gjørd. Sí eisini onnur svar um sama evni.

Sakførari hjá Vestmanna Kommunu er Christian Andreasen.


 

privat virksemi í maskinhøllini

Mars 07 , 2008
Hava allir borgara rætt at brúka maskinhøllina í

meðalsbrekku til at reperera sínar bilar og til

carasju í fleiri vikir/mánar og hvat kostar tað pr dag at leiga høllina.

Eingin borgari hevur rætt til at brúka maskinhøllini til umvæling av bili og til bilhús.

Maskinhøllin er til virksemi hjá kommununi og einki annað.


 

Vit eru nr. 1

Mars 07 , 2008
Eg vil við hesum, bert senda tykkum øllum í Bygdaráðnum, eina heilsan um eina góða framtíð.

Tit / vit eru so klárt nr. 1, tá ið umræður opinleika á øllum økjum, men eg haldi tó at bygdaráði má hugsa seg minst tvær ferðir um, tá í ov persónlig mál koma í henda spurnarkassan. John Zachariassen hevur fatur á tí rætta. Men enn einaferð tit í her ráða :, " Tit hava gjørt / og gerða eitt megnar arbeiði ".



Vælnøgdur, eisini um nýggja stigabilin !!



Ps. Hvør kom annars við geniala hugkotinum um at brúka stigabilin til web cameraði ?
Verður lagt út uttan viðmerking.

 

Holmsbakki

Mars 07 , 2008
Kunnu tit útgreina eitt lítið sindur meira, hvat tað er, ið fer fram undir Holmsbakka. Er tað miðstaðarbyggingin, ið kommunan er byrjað uppá?



Partvíst, men í fyrstu syftu stuðlamúrur framvið øllum Holmsbakka.

 

Bilverja við Gjáarlon

Mars 07 , 2008
Er tað ikki meiningin at gera bilverju allan vegin framvið vegnum omanfyri Gjáarlon? Ella skal ein bilur eisini enda í sandkassanum áðrenn tit fáa tað arbeiði gjørt? Eru ikki pengar til tess. Ella hvat og hví verður bíða við hesum?



Heilsan ein ið ikki letur barn sítt aftur í sandkassan fyrr enn hetta arbeiðið eisini er gjørt



Tíverri :-(



Við vón um upptøku og svar
Jú, bilverja skal setast allan vegin oman ímóti inngongdini til Gjáarlon. Hetta verður helst gjørt samstundis, sum autoverja verður sett upp á Fjalsvegi.

 

Grótbrotið

Mars 06 , 2008
"Avtalan fevndi um endurgjaldskrav frá honum, ...." . Fyri hvat ?, hevur kommunan ikki yvihildið allar sínar skyldur í sáttmálanum um leigu øki ? Kunnu tit reiða okkum frá hvat endurgjalskravið er fyri, og hvussu stór upphæddin er. Hevur Rólant yvirhildið sínar treytir / skyldur móti kommununi ?

Spurin

Kommunan ruddaði í 2005, ávísur ivi er um, um allar mannagongdir og treytir vórðu hildnar. Í hesum sambandi kravdi Rólant Isaksen, at Vestmanna Kommuna skuldi lata endurgjald fyri lutir, sum vóru beindir burtur, og fyri skaða á lutir, meðan teir vóru í varðveitslu hjá Vestmanna Kommunu. Eftir tilráðing frá sakføraranum hjá kommununi valdu vit at gera semju við Rólant Isaksen – semjan fevndi eisini um rudding av leiguøkinum.

Rólant Isaksen fær 65.000 kr. “sum er til fulla og endaliga avgerð fyri alt millumverandi millum partarnar í samband við tað ósemju, sum hevur verið millum partanar í samband við, at Vestmanna Kommuna í 2005 skipaði fyri rudding í kommununi, og har ávísir lutir hjá Rólant Isaksen vóru burturbeindir, meðan aðrir máttu fraktast aftur til Vestmanna.

Endurgjaldið er at meta sum fullt gjald fyri alt millumverdi millum partarnar, og hevur Rólant Isaksen eftir hesa avtalu ikki nakað fíggjarligt krav móti kommununi.” (brot úr avtaluni)

 

 


 

+++++Positiv++++

Mars 06 , 2008
Eg eri eisini positivur ella jaligur sum tit kalla tað, hasir bussarnir og hasi trolini eru sera príðilig fyri bygdina, ja, kann gerast ein ímynd. Og at áir renna eftir vegnum, tað ger ikki petti, tí hvar skulu gæsnar so annars svimja, tær ganga so fittar og ansa eftir at eingin kemur niðan á Rógvu veg, tær bíta tey sum eru til gongu og kemur ein bilur, ja so stilla tær seg so mitt fyri, har skal eingin framvið. Og so tann vælsignaði seyðurin, hann er so raskur at eta, at tá juni kemur verður tíbetur einki træ eftir, sum kann skugga fyri sólini.

Tit eru óførir.

Er tú vís/-ur í, at tú skilur orðið “positivur/jaligur” rætt?

Um ongi trol sóust, so var lítið virksemi á havnarlagnum. Tú eigur at boða okkum frá, tá tú varnast áir eftir vegnum. Somuleiðis eigur tú at boða løgregluni frá, um gæs ganga á alfaravegi. Seyðurin eigur vetrarbit sambært lógini, tí kann onki gerast við tað málið, fyrr enn bygdin er vetrarfriðað.

Undranarvert er, at tú onki positivt sært. Kann tað vera so galið, at bygdarráðið onki gott hevur gjørt – ella er tað sum orðatakið sigur: “Ilt eyga kann onki gott sjá”. Um vit eru ófør, tað lata vit onnur um at meta.


 

grótbroti

Mars 06 , 2008
Eg havi hoyrt og tad skal verda pálítiligt, at oydarin av óruddinum í grótbrotinum far pengar frá kommunini fyri at rudda sítt egna órudd burtur, mín spurningur er, passar tad???????????

Bygdarráðið samtykti á fundi 27.11.’07 avtalu við Rólant Isaksen. Avtalan fevndi um endurgjaldskrav frá honum og um rudding av leiguøkinum úti í grótbrotinum. Í avtaluni fær Rólant ávísa upphædd: “sum er til fulla og endaliga avgerð fyri alt millumverandi millum partarnar”. Upphæddin verður útgoldin, tá leiguøkið er nøktandi ruddað. 

 


 

Grótbrot

Mars 06 , 2008
Eg havi hoyrt at Rólant Isaksen fær pengar fyri at rudda sítt egna órudd?????????????

Bygdarráðið samtykti á fundi 27.11.’07 avtalu við Rólant Isaksen. Avtalan fevndi um endurgjaldskrav frá honum og um rudding av leiguøkinum úti í grótbrotinum. Í avtaluni fær Rólant ávísa upphædd: “sum er til fulla og endaliga avgerð fyri alt millumverandi millum partarnar”. Upphæddin verður útgoldin, tá leiguøkið er nøktandi ruddað. 

 


 

Eg eri positiv...

Mars 06 , 2008
Og haldi at takini á bussunum sum standa undir vevmyndatólinum eru virkuliga pen...og trolini liggja næstan snórabein eftir kajuni.

Tað er næstan tað einasta man sær á hasi mynduni, og hevur sæð í umleið 1 mána, men tað er ætlanin at flyta myndatólið, skriva tit, men vita tit nøkulunda nær tað verður flutt?
Tað verður flutt ella sett uppá pláss fyrsta dagin.

 

Til flest allar spyrjarar

Mars 04 , 2008
Komi við onkrum positivum, ístaðin fyri alla tíðina at brokka tykkum og hava peikifingurin á loftið. Tað tænur ongum.

Og tá tit hava atfinningar og útspillingar og nevna nøvn, vísi so at tit hava no...., og seti tykkara kristiligu nøvn undir.



Ein jaligur íbúgvi
Verður lagt út uttan viðmerking.

 

Salting

Mars 04 , 2008
Eg vil hervið heita á kommununa um at salta Neslíð og Bjargalíð meira enn teir gera í dag. Alt ov ofta er einki salt koyrt har uppi, løgi tí har uppi frystur nógv fyrr enn niðri í bygdini. Tað sama er galdandi við graving av kava.



Vónandi verður hetta broytt í frammtíðini.
Áheitanin verður send teimum, sum hava ábyrgdina av saltingini.

 

Ógjørt arbeiði og kveylar

Mars 03 , 2008
Vit ganga nógv og síggja nógv óliðugt arbeiði summastaðni.



Ovast á Hornavegi hava 2 keylir staði í fleiri fleiri mánaðir, ja helst eitt heilt ár uttan har hendir nakað sum helst.



Eittnú síggja vit óvanliga nógvar pelar kring alla bygdina, har ein kveylur av ledningum hanga í, hetta sær ikki pent úr.



Í samband við liðugtger av brandstøðini, verða arbeiðini, bæði frá keylunum og omaneftir, og rundan um rottangan og oljuútskiljaran, gjørd frá 4 mars til tey eru liðug.
Kveylarnir við gøtuljóssteyrarnar eru kaðalar, sum eru lagdir, tá Elfelagið SEV hevur lagt linjuna í jørð - hesir verða knýttir til nýggj gøtuljós, sum ætlanin er at seta upp. Hesum verður arbeitt áfram við, tvs. at nakrir av gomlu gøtuljóssteyrunum verða skiftir út um árið.

 

Grasrullir -órudd

Mars 03 , 2008
Kunnu øll í Vestmanna koyra órudd í hasa stóru rennuna á Hornavegi - síggji at ein løgtingsmaður hevur okkurt órudd liggjandi har.

Eyðun á Rógvi fekk summarið 2007 fyribilsloyvi til at leggja nakrar hoyballur – ikki órudd - í rennuna. Orsøkin var, at hoyggjhúsið/fjósið ikki var liðugt. Kommunan hevur biðið hann flutt ballurnar niðan í hoyggjhúsið.


 

rudding í grótbrotinum

Mars 03 , 2008
Ruddar vestmanna kommuna bilvrak og gamlar konteynarar vm. í grótbrotinum fyri sína egnu rokning. (ella verður rokning send fyri arbeiði sum maskinir og starvsfólk hjá VK gerða)

Nær verður liðugt at rudda. Alt grótbrotið er ein

stórur køstur. Bilvrak vm. standa runt alt grótbrotið.

Ruddað verður eftir avtalu við Rólant Isaksen. Væntandi er ruddingin liðug í hesi vikunu. Ætlanin er at flyta ruskplássið út á ruddaða økið.

 


 

Holmsbakki

Mars 03 , 2008
Er kommunan farin í holt við at gera stuðulsmúr undir Holmsbakka?
Ja, í samstarvi við P/F Vestmanna Fiskavirki.

 

peli á niðaravegi

Mars 03 , 2008
nær ætlar kommunan at skifta pelanar út eftir niðara vegi.

her hugsi eg serlig um tann leysa pelan sum stendur niðanfyri hjá Edvarad og Elisu. Hann hongur bara í linjinum og ská stívar er slakkur, nú hellir hann oman eftir tíbetur, hugsi eisini um neystini sum standa har.

kan hann ikki verða til ampa fyri ferðsluna eftir niðaravegi.

Pelarnir verða skiftir út so við og við - í løtuni verður arbeitt við at skifta pelarnar á parti av Gerðisvegi, og síðani verður neyðugt at seta nýggjar pelar í staðin fyri teir, sum fórust í lllveðrinum herfyri.

Pelin á Mørkini verður rættaður upp fyrsta dagin - mett verður ikki, at vandi er á ferð, hóast pelin er leysur og hellur.