BYGDARRÁÐSFUNDIR

Fundarskrá til 27.02.2018

LÝSINGAR

Bókavørður
Freist 22.02.2018 kl. 12

Frítíðaravloysarar til VEKS
Freist 22.02.2018

Ergoterapeutur og
fysioterapeutur til VEKS

Freist 28.02.2018 kl. 12.00 


Koyringin hjá Bygdaleiðum

Vestmanna Kommuna hevur fingið nógvar spurningar á heimasíðuni, um nær Bygdaleiðir fara at koyra út aftur í Flatabø, nú tann eina bungan í Útibø er beind burtur.

Eitt sindur av orðaskifti hevur síðani verið, um nú eftirverandi bungurnar standa mát við fyrisett mát. Hesum hevur asfaltfyritøkan, sum gjørdi bungurnar, nú váttað.

Í samband við avtaluna við Strandfaraskip Landsins varð avtalað, “at ábøtur verða gjørdar á vegbreytina á sama stað, so at vegurin verður eins høgur og uttanum”. Hetta merkir, at asfalterast skal í aftur skurðirnar, har mittasta bungan stóð, og at niðara borð ímillum eftirverandi bungur verður lappað, har lagdir eru komnar í.

Hetta arbeiði byrjar ætlandi í næstu viku og tekur 3 dagar.

Tá hetta er gjørt, skuldi avtalan við Strandfaraskip Landsins um uppafturtøku av koyringini hjá Bygdaleiðum út í Flatabø, frá kommununnar síðu verið hildin!

Spurningarnir á heimasíðuni verða á henda hátt svaraðir, og tí ikki svaraðir í “Spyr bara”.