BYGDARRÁÐSFUNDIR

Fundarskrá til 27.02.2018

LÝSINGAR

Bókavørður
Freist 22.02.2018 kl. 12

Frítíðaravloysarar til VEKS
Freist 22.02.2018

Ergoterapeutur og
fysioterapeutur til VEKS

Freist 28.02.2018 kl. 12.00 


Kunning um valrætt til lesandi uttanlands

01.08.2015

Ert tú lesandi uttanlands, kanst tú søkja um at verða upptikin á vallistan, so tú fært høvi at velja til løgtingsvalið, sum verður tann 1. september 2015.
Umsóknin um upptøku skal vera kommununi, har ið tú seinast vart skrásettur, í hendi í seinasta lagi mánadagin 10. august 2015. Hevur tú verið búsitandi í Vestmanna Kommunu, skal umsóknin sendast til vestmanna@vestmanna.fo.

Lesandi, sum vegna útbúgving hava fyribils tilhald uttanfyri Føroyar, hava valrætt til løgtings- og fólkatingsval, um tey annars lúka treytirnar fyri valrætti, og um tey frammanundan fráflyting úr Føroyum hava verið skrásett í fólkayvirlitinum í Føroyum í minsta lagi 5 ár tilsamans.

Fyri at kunna atkvøða er neyðugt at verða skrásett/-ur á vallista. Lesandi uttanlands verða eftir áheitan upptikin á vallistan í tí kommunu, har tey seinast hava verið skrásett í fólkayvirlitinum. Fyri at verða tikin upp á vallistan, skal veljarin senda inn umsókn, og skal kommunan hava tikið avgerð um upptøku á vallistan í seinasta lagi 3 vikur áðrenn valdagin.

Veljarar, ið hava havt tilhald uttan fyri Føroyar í meira enn 8 ár, kunnu ikki koma á vallista.

Umsóknarbløð fáast á heimasíðuni hjá Almannamálaráðnum www.amr.fo, á føroyskum viðskiftastovum og her á heimasíðuni.

Viðvíkjandi váttan frá útbúgvingarstovninum kunnu lesandi nýta avrit av lestrarkorti ella aðra útskrift, sum vísir, at tey eru lestrarvirkin.
Gevið gætur, at skeiv skrivlig váttan kann eftir §162 í revsilógini revsast við bót ella fongsul í upp til 4 mánaðir.

Upptøka á vallistanum er galdandi í 2 ár frá tí degi, avgerðin um upptøku er tikin. Kommunurnar skulu boða Landsfólkayvirlitinum frá avgerðum um upptøku av veljarum á vallista. Landsfólkayvirlitið førir eitt savnað yvirlit av tílíkum veljarum.

Lesandi uttanlands greiða atkvøðu á støðum, sum har verða nýtt til atkvøðugreiðslu við brævi, til dømis sendistovur og donsk fólkayvirlit. Brævatkvøður kunnu greiðast í fyrsta lagi 4 mánaðar áðrenn valdagin.