Jólakonsert við barnakóri, hornorkestri og sangkóri í Vestmanna mikukvøldið

06.12.2016


Jólakonsert við barnakóri, hornorkestri og sangkóri í Vestmanna mikukvøldið

Mikudagin 7. desember kl. 19.00 verður jólakonsert í Vestmanna Kirkju við Vestmanna Barnakóri, Vestmanna Sangkóri og Vestmanna Hornorkestri.

Kór og orkestur syngja og spæla hvør sær og saman. Tað verður við eini fjølbroyttari skrá av føroyskum og enskum sangum, ið hoyra jólunum og hesi árstíðini til.

Kórleiðarar eru Rannvá Matras-Olsen hjái Barnakórinum, Benjamin Gaasedal hjá Sangkórinum og Atli Petersen hjá Hornorkestrinum.

 Øll eru hjartaliga vælkomin.