Nú tamarhald tykist vera komin á smittubreiðsluni av koronu, og eingin nýggjur smittutilburður hevur verið staðfestur í meira enn eina viku, hevur Vestmanna Kommuna avgjørt, at virksemið hjá Kommunu økist enn meira.
Mint verður tó á týdningin av at halda neyðugu frástøðuna og gott reinføri.
Til ber at lesa um almennu tilmælini á corona.fo
Dagtilhaldið
Virksemið hjá Dagtilhaldinum byrjar aftur mikudagin 2. september 2020.
Húsið er opið mikudagar frá kl. 14.30 – 17.00.
Ítróttarhøllin
Nú ber aftur til at venja í ítróttarhøllini og at leiga høllina til annað virksemi.
Ringið á tlf. 770 195, um tit ynskja at leiga høllina.
Svimjihylurin og fimleikasalurin
Nú ber aftur til at leiga svimjihylin og fimleikasalin. Ringið á tlf. 770 195.
Hølir at leiga
Ynskja tit at leiga hølir frá Vestmanna Kommunu, kunnu tit ringja á tlf. 770 100.
Broytist smittustøðan komandi tíðina, so kunnu broytingar fyrikoma samsvarandi.
Vestmanna Kommuna
31. august 2020
