Leygardagin 17. juli 2021 vitjar Margretha drotning í Vestmanna., og skráin fyri vitjanina er hendan:
Kl. 10.00 Móttøka á Torginum
Pauli T. Petersen, borgarstjóri, tekur ímóti saman við blómubørnum og bygdarráði.
Vestmanna Sangkór luttekur.
Síðani verður farið út á Heimið á Grønanesi, har ið drotningin verður víst runt á heiminum og fær høvi at heilsa upp á búfólkini. Næmingar í Musikkskúlanum luttaka.
Aftaná fer fylgið niðan á Mýruverkið, har ið greitt verður frá um SEV og um nýggju pumpustøðina, sum farið verður undir.
Kl. 12.20 er Pauli T. Petersen, borgarstjóri, vertur fyri miðmála, sum verður hildin á Fjørukrónni.
Margretha drotning fer úr Vestmanna kl. 13.20.
***
Almenna vitjanin hjá Margrethu drotning verður í døgunum 14. til 19. juli.
Umframt at vitja í Vestmanna vitjar Margretha drotning í Klaksvík, Svínoy, Fuglafirði, Kvívík, Vatnsoyrum, Miðvági, Toftum og á Strondum og í Havn.
