Pappeskjur, gávupappír, ljósketur, perur, battarí og ikki at gloyma fýrverk. Við jólahøgtíðini og nýggjárinum fylgir sera nógv burturkast, ið ikki eigur at fara sama veg sum vanliga húsarhaldsburturkastið.
Hugsa um hvat kann fara í hvíta, reyða og gráa posan hjá IRF, og hvat kann koyrast á bingjuplássið. Á tann hátt kanst tú geva umhvørvinum eina gávu, tá tú hevur fingið tínar.
Soleiðis skilir tú burturkastið um høgtíðina:
Hvíti posi: Gávupappír, papp og bleytt plast. Bleyta plastið samlar tú saman í ein kláran posa og leggur hann í hvíta posan.
Grái posi: Gávubond, gávuinnpakking úr foliu, flamingo, matleivdir o.a.
Reyði posi: Ljósperur, battarí (í krukku við loki), elektronisk tól og annað serliga dálkandi burturkast.
Bingjuplássið: Fýrverk, glas, jarn og metal.
Um tú vilt gera tað lættari at skilja burturkast, ber til at printa hesi myndatekin út og seta tey á ruskíløt: www.irf.fo/myndatekin-til-skiljing-av-burturkasti
