Í morgun var móttøka fyri hennara hátign Margretu drotning II á Reyða torginum í Vestmanna, har borgarstjórin, Pauli Trónd Petersen, saman við eini stórari fjøld tóku væl ímóti henni. Eftir røðuna í fína veðrinum var lurtað eftir fagra sanginum hjá Vestmanna sangkór.
Tá hendan løtan var av, fór hennara hátign til Heimið á Grønanesi at heilsa uppá búfólki. Tá ið løtan kom, fór Maria Kristina Hummeland á Heygum, 96 ár, vanliga kalla Mia, at svimja í havinum fyri drotningini.
Aftaná fór fylgið niðan á Myruverkið hjá SEV, har greitt var frá um nýggju pumpustøðina, sum farið verður undir. At enda bjóðaði Pauli Trónd Petersen, borgarstjóri, miðmála á Fjørukrónni við eini 3 rættar matarskrá frá Gist & Vist.
Drotningin fekk handað tvær gávur frá Vestmanna kommunu. Ein skulptur eftir Jón Sonna Jensen og ein málning eftir Silju Strøm.
