Mentanarnevndin og Trivnaðar- og umhvørvisnevndin skipa fyri Rørslureikan, sum byrjar leygardagin 1. juni við havdypping fyri øll inni á sandinum á Fitjum og endar sunnudagin 9. juni við spennandi gongutúri niðan á Mosarøkur.
Endamálið við rørslureikan er, umframt at seta sjóneykuna á sálarheilsuna hjá ungum og eldri vestmenningum, at varpa ljós á týdningin av at vera virkin saman.
Í tráð við, at Vestmanna kommuna fyri stuttum gjørdist samstarvsfelagi í ABC fyri sálarliga heilsu, hevur kommunan í huga, at skapa trivna og lívsgleði fyri hvønn einstaka okkara, at vera saman við øðrum og at vera hugbundin og virkin.
