Kom og uppliv heimildarfilm um vestmenningin og karismatiska tónleikaran, Róin Siggertsson.

Fríggjakvøldið 21. mars verður heimildarfilmurin, “Róin – Spælimaðurin við heimsins enda” vístur á Miðnámi.

Sama um hvussu trupul støðan er, so er tað eitt, sum ongantíð svíkjur – tónleikurin. Tá ið hann situr við klaverið, er hann er sannur úrmælingur.

Filmurin lýsir lívs- og tónleikaferðina hjá Róini, sum eftir nærum 30 ár burtur heiman, stríðist við at finna fótafestið í heimbygdini. Tað er tó ikki lætt at flyta heimaftur, og hann endar í ovurnýtslu av bæði øli og resept heilivági. Kanska er loysnin at fara til Danmarkar aftur; men so hendir tað óvæntaða – hann skal vera pápi, og hetta setur hann á eitt vegamót.

Heimildarfilmurin er leikstýrdur av Pæturi H. Evensson og framleiddur av Kykmyndum, har meginparturin av tónunum eru Róins.

“Róin – Spælimaðurin við heimsins enda”.

Sýningarnar byrja kl. 19 og kl. 21, og tað er ókeypis atgongd. Verið vælkomin.

Plássið í salinum er avmarkað og tí er tilmelding ein fyrimunur. Hetta kann gerast við at seta seg í samband við Vestmanna kommunu á 770100 ella vestmanna@vestmanna.fo.

Eftir fyrru sýningina verður ein hugnalig móttøka á Faer Isles Distillery, har Róin fer at spæla nøkur av sínum nýggjastu løgum.