Mikukvøldið tann 8. november 2023 varð ein týðandi varði reistur í Ungdómshúsinum, tá bygdarráðið, leiðslan og starvsfólkini, fyri fyrstu ferð í søgu Staðsins, bjóðaðu næmingunum úr 6. flokki at gerast ein partur av Mentan sum klekingaramboð ætlanini.
Hetta tiltakið markeraði byrjanina á royndartíðarskeiðinum fram til ársskiftið, har vit leypandi fara at meta um, hvussu aldurbólkurin 6. flokkur á besta hátt kann verða samantvinnaður við virksemi ungdómshúsins.
Við evninum “Mentan sum klekingaramboð” legði kvøldið dent á at birta undir skapandi og menningarligu evnini hjá teimum ungu. Tað var eitt kvøld á tremur við felagsangi, list og spølum, har børnini fingu møguleikan at royna ymiskt virksemi, sum Staðið hevur at bjóða. Vónandi gav kvøldið teimum eitt festligt innlit í, hvussu tey kunnu brúka mentan sum ein hátt at menna seg sjálvi og sínar førleikar.
Endamálið við tiltakinum var ikki bert at skapa ein stuttligan og tryggan karm fyri børnini, men eisini at geva teimum eitt grundarlag at byggja á í teirra persónligu og kreativu menning. Vit trúgva, at gjøgnum kreativt virksemi kunnu børn læra, vaksa og finna sítt pláss saman við hinum aldurbólkunum, ið brúka Staðið regluliga – men sanniliga eisini í lokalaumhvørvinum og samfelagnum frameftir.
Vit vóna, at hendan nýggja tilgongd vil vera við til at styrkja mentanarliga tilvitið og kreativu evnini hjá okkara ungu og geva teimum eitt størri úrval av frítíðaryrkum, sum tey kunnu takast við til dagliga.
Staðið er ungdómshús fyri ung frá 6. flokki til og við 18 ár.
Her kann man hugna sær við tónleiki, sjónvarpið, spæla pool, borðspøl, playstation, borðfótbólt, borðtennis o.a.Týsdag til Hósdag kl. 18:00 – 22:00
Fríggjadag kl. 19:00 – 01:00
Fyri nærri kunning, vitja okkara heimasíðu ella fylgi okkum á sosialum miðlum.
