Eftir ynski frá dagstovnaøkinum samtykti Vestmanna Bygdarráð á fundi 17. apríl 2024 at geva hølunum undir heilsumiðstøðini navnið Kongskjallarin.
Dagstovnaøkið vildi, at hølini fingu navnið Kongskjallarin við tí einføldu grundgeving, at bygningurin stendur á økinum Kongsteigar.
Á Kongsteigum eru góðar umstøður við plenuni, spæliplássi og skúlanum, og í nærumhvørvinum liggja Gjógvará og viðarlundin, har børnini ofta hugna sær um summari.
Í fíggjarætlanini fyri 2024 samtykti bygdarráðið at raðfesta fígging, til at dagstovnaøkið kundi innrætta seg betur í hølunum til frama fyri trivnaðin hjá børnunum, sum ganga har.
