Brim skipa fyri stuðulskonsert 6. mai í samband við konsertferð til Onglands.
Vestmanna Kommuna stuðlar tiltakinum.
Brim skriva soleiðis:
Meet the puffins!! fer aftur til Liverpool at framføra á International Beatleweek 2023.
Í fjør fingu vit tann heiður at gerast fyrsti føroyski bólkurin, sum spældi á hesum ótrúliga festivali, og fyriskipararnir vóru sera væl nøgdir við okkum. Tískil blivu vit bjóðaðir at koma aftur.
Vit ætla at hátíðarhalda hetta leygardagin 6. mai saman við tykkum øllum niðri á Silkienni.
Hurðarnar verða latnar upp kl. 20. Vit framføra Beatles-løg kl. 20.30 – 21-45, og eftir tað er latínara-dansur á skránni, og meira av Brim. Tiltakið er ókeypis, men tað ber til at stuðla bólkinum, tí bólkarnir, sum framføra á festivalinum, rinda sjálvir allar útreiðslur.
