Flaggdagshald kl. 15:00 á Reyða torginum.
VíF skipar fyri skrúðgongu frá skúlanum kl. 14.45 har øll eru vælkomin at ganga við.
| Laila Haldansen, forkvinna í Mentanarnevndini, bjóðar vælkomin |
| Vestmanna Hornorkestur spælir |
| Felagssangur: Sjá tú blánar |
| Janus úr Dímun heldur røðu |
| Felagssangur: Tú alfagra land mítt |
Eftir haldið verður Flaggdagsrenning, og kommunan bjóðar drekkamunn á Staðnum, har 1. flokkur á Miðnámi skipar fyri tombola.
Øll eru hjartaliga vælkomin.
Flaggdagsrenningin 2024
Aftur í ár verður Flaggdagsrenning í Vestmanna.
Til ber at tekna seg til renningina við at senda eini boð til Kristinu Sundstein Borgarlíð ella Jónvu Ellingsgaard umvegis messenger, ella á tlf.nr. 591073 ella 230283.
Viðmerk hvønn tein tú skalt renna, og hvønn bólk tú skalt í.
Freistin at boða frá luttøku er mikudagin 24. apríl kl. 12:00
Vestmanna kommuna bjóðar frukt og vatn aftaná renningina.
Ruta 1 byrjar frá Reyða torginum, inn eftir Niðara Vegi, runt um Magn, út eftir Ovara Vegi og oman eftir Heygabrekku.
Ruta 2 byrjar frá Reyða torginum, inn eftir Niðara Vegi, runt um Magn, út eftir Ovara Vegi, Toftavegi og Gerðisvegi út til Gerðisbrekku, oman eftir Gerðisbrekku og inn eftir Bakkavegi til Reyða torgið
Vatnpostar: ein postur verður tætt við Magn og ein á Gerðisvegi, har rennarar eisini fáa ein kross á hondina.
Bólkar: Børn (4-10 ár), Ung (11-16 ár) og vaksin (17-100 ár)
