Frá 1. august 2020 kunnu øll, sum hava fylt 65 ár og onnur í ávísum vandabólkum, verða koppsett ókeypis ímóti pneumokokkbakteriuni, sum kann elva til hættisligan lungnabruna. Koppsetingin fer fram hjá egnum kommunulækna.
Tilboðið um ókeypis koppseting verður veitt øllum persónum, sum hava fylt 65 ár; persónum, yngri enn 65 ár, sum eru í serligum vanda fyri álvarsamari pneumokokksjúku; persónum yngri enn 18 ár, sum hava ávísar varandi sjúkur, umframt búfólkum á røktarheimum og ymsum bústovnum.
Endamálið við hesum tilboðnum um ókeypis koppseting er at minka um talið á persónum, sum verða álvarsliga sjúkir av ígerðarsjúku.
Í kunngerðini um ókeypis koppseting ímóti ávísum sjúkum sæst, hvørjir vandabólkar eru fevndir av tilboðnum um ókeypis koppseting ímóti pneumokokkum.
Tey, sum ynskja at verða koppsett, skulu venda sær til egnan kommunulækna. Eisini ber til at venda sær til kommunulæknan um fólk ivast í, um tey hava rætt til hesa ókeypis koppsetingina.
Gunnhild Helmsdal er kommunulækni í Vestmanna.
Viðtaluhølið í Vestmanna er í Garðatúni 12.
Telefon: 424 003
Telefax: 424 661
Telefonin svarar mánadag til fríggjadag kl. 8.00 – 11.00.
Viðtalan er opin yrkadagar frá kl. 9.
Til ber at bíleggja tíð og at endurnýggja resept á heimasíðuni minlaekni.fo.
