Nýtt ár – nýggjar avbjóðingar?
Okkum tørvar starvsfólk við runutum stivlum og blíðari rødd!
Elskar tú at spæla, flenna og at fáa børn at røra seg – og sært tú virðið í at vera nógv uttandura?
Her eru tveir dagar sjaldan eins. Vit renna, hoppa, byggja, klintra og finna uppá.
Vit halda, at børn læra best, tá tey sleppa at brúka allan kroppin – og hugflogið!
Um hetta ljóðar sum komandi ævintýrið hjá tær, er bara at lesa víðari og søkja starvið.
Vit leita eftir starvsfeløgum, sum síggja heimin í eygnahædd hjá børnunum. Hjá okkum fært tú ein gerandisdag við rørslu, villum spæli og stuttleika.
Harumframt fært tú eitt orkugevandi samstarv við tínar starvsfelagar, har rúm er fyri forvitni og fjølbroyttum hugskotum.
- Vit søkja eftir einum starvsfólki (20 tímar) til frítíðartilboðið í Kongskjallaranum, tíðaravmarkaðað starv fram til summarfrítíðina, at byrja 15. januar 2026 – ella skjótast gjørligt eftir tað.
- Vit søkja eftir tímaløntum avloysara, um sjúka ella annað stingur seg upp.
- Starvið sum avloysari kann samskipast við lestur ella annað starv.
Ljóðar tað, sum vit leita eftir tær? So bint lissurnar, finn góða lagið fram og søk!
Send ein teldupost til starv@vestmanna.fo, viðmerk ”ítróttur”.
Í teldupostinum skalt tú siga eitt sindur um teg sjálva/n, arbeiðsroyndir, nær tú kanst byrja, og hvørjar dagar tú kanst arbeiða sum avloysari.
Umsóknir skulu vera okkum í hendi í seinasta lagi mánadagin 19. januar 2026
Meira fæst at vita:
Fleiri upplýsingar um starvið eru at fáa frá Morten Hust Petersen, stovnsleiðara, á telefon 770 130 ella telduposti morten@vestmanna.fo
Sambært §2 í barnaváttanarlógini hevur Vestmanna kommuna skyldu til at fáa barnaváttan til vega, áðrenn umsøkjari verður settur í starv. Samrøður verða hildnar leypandi.
Starvið verður sett sambært sáttmála millum Føroya Pedagogfelag og Kommunala Arbeiðsgevarafelagið.
