Setið X í álmanakkan leygarkvøldið 26. apríl, tí tá verður vælumtókta tónleikatiltakið, Válan í Vestmanna.
Sum siðvenja er, verða konsertir við fimm tónleikabólkum og einstaklingum, har tey spæla tvær konsertir hvør, so til ber at náa runt at lurta eftir øllum.
Aftur í ár er tað Bakkavegur, sum verður karmur um Válanina. Konsertirnar verða í kirkjuni, í Krambúðini, í Disvoy, í Silkienni og á Staðnum.
Tónleikaskráin verður fjølbroytt og góð, og hevur okkurt til øll oyru.
Skráin verður kunngjørd fyrstu vikuna í apríl og tá verða eisini atgongumerkini sett til sølu.
