Í komandi viku (viku 16) byrjar reinsitænastan hjá IRF at tøma rottangar í Vestmanna. Tað er ein ómetaliga stór hjálp hjá starvsfólki teirra, at rottangarnir eru klárir, tá ið teir koma á staðið. Tað sparir bæði borgarum og IRF nógva tíð og nógv stríð. Tað merkir, at flyta ein urtapott ella tílíkt, sum oftani stendur…
Vestmanna Sløkki- og Bjargingarlið boðar frá, at brandvenjing verður í Vestmanna skúla í kvøld tann 9. apríl 2025 frá kl. 19:00. Væntast kann at síggja royk og útrykning, hóast eingin vandi er á ferð.
Eftir páskir verður eitt royndartilboð sett í verk til børn í 4. og 5. flokki í ungdómshúsinum Staðnum. Trivnaðarnevndin hevur í longri tíð viljað havt eitt tilboð til júst hendan aldursbólkin, og tað hevur nú eydnast at fingið góð starvsfólk at stápla eitt spennandi tilboð saman. Endamálið er at skapa eitt gott og mennandi frítíðartilboð…
VEKS hevur nú fingið nýggj høli. Fyrisitingin hjá eldrasamstarvinum, sum øll árini hevur hildið til á loftinum í kommunuskrivstovuni, er nú flutt í gomlu sýslumanshúsini. Samstarvssáttmálin millum Eiðis-, Sunda-, Kvívikar-, og Vestmanna kommunu, staðsetur fyrisitingina hjá eldrasamstarvinum hjá VEKS at vera í Vestmanna. Skrivstovan er nú á Bakkavegi 20, í reyðu, stásiligu sýslumanshúsunum, ið kommunan…
Komið og gerið páskaprýði! Í dag, týsdag 8. apríl og hósdagin 10. apríl er páskahugni á bókasavninum. Kreativi vognurin stendur frammi og tú kanst gera vakurt páskaprýði. Opið er frá kl. 16:00 til kl. 18:00 báðar dagar Øll eru hjartaliga vælkomin!
Grundin hjá kongaliga einahandlinum í Vestmanna er komin undan aftur. Hon hevur annars verið undir mold í fleiri áratíggju. Vestmanna kommuna er farin undir at grava bakkan burtur niðan fyri faktorhúsið og pakkhúsið á Fitjum. Har, sum grasbakkin er í dag, stóð kongaligi einahandilin, og gamlar myndir vísa slætta vakra hellu, laðaðan garð fram við…
Vestmanna hevur altíð verið ein vøgga fyri grøna nýskapan – eitt stað har hugflog, íverksetan og náttúra hava gingið hond í hond. Seinastu trý árini hevur svenska fyritøkan, Minesto, sum hevur staðsett sítt føroyska virksemi í Vestmanna, roynt seg við sjóvarfalsorku í sundinum við sonevndum sjóvarfalsdrekum. Nú er Minesto farið undir nýggju verkætlanina, The Faroe…
Í samband við arbeiði verður Ovari Vegur stongdur fyri gjøgnumkoyring. Ovari vegur – Inni á Fjørð – verður stongdur mikudagin 2. apríl frá kl. 09:00 til arbeiðið er liðugt. Í hesum tíðarskeiði verður ferðslan víst til Niðara Veg.