Øll tíðindi

Vegna arbeiði á vatnverkinum verður skrúvað fyri vatninum í dag. Hetta er galdandi fríggjadag 10. januar 2025, frá klokkan 10:30 til arbeiðið er liðugt.   Les eisini

Nýtslan av vatnið hevur verið væl hægri hesar køldu kavadagar, enn miðal nýtslan vanliga er aðrar dagar. Hóast vatninntøkan er á einum støði, sum vanliga er nøktandi, so megnar framleiðslan ikki at fylgja við. Í stuttum kemur minni av vatni inn, enn tað fer út, og tí ávirkar tað nú ovasta part av bygdini, sum…

Skúlabørnini í Vestmanna skúla saman við lærarum fara at skreiða í morgin, fríggjadag 10. januar, á ovara parti á Fjallsvegi. Tey skreiða og stuttleika sær frá klokkan 9:45 til 11:00. Bjóðað verður fransbreyð og heitt kakao. Vegurin verður stongdur fyri gjøgnumkoyring hetta tíðarskeiðið.

Vatnverkið hevur verið undir stórum trýsti seinastu dagarnar. Nú streymslit eisini hevur verið, kunnu borgarar uppliva óstøðugt vatntrýst í kvøld og í nátt.

Vatnmongdin frá reinsiverkinum er minkað munandi í dag. Orsøkin er helst, at borgarar lata vatnið renna, ímeðan frost er, fyri at sleppa undan frostspreingingum. Kommunan heitir tí á fólk um ikki at lata vatn renna óneyðugt og í ringasta føri at lata tað lagra.

Ása Jacobsen er kommunulæknaavloysari í Læknaviðtaluni í Vestmanna fyri Gunnhild Helmsdal, í tíðarskeiðinum:   6. januar til 12. januar 2025, báðir dagar íroknaðir

Tá ið starvsfólk møttu til arbeiðis í Gjáarlon í morgun, vísti tað seg, at eingin hiti var í bygninginum. Av tí, at tað er so bítandi kalt inni og líkt er til, at tað ikki verður fyrr enn út á dagin, at hitaskipanina koyrir aftur, hevur Gjáarlon tíverri stongt í dag. Kommunan og leiðslan á…

Sára Jógvansdóttir hevur nú tikið sætið sum borgarstjóri í Vestmanna kommunu og hevur havt sín fyrsta arbeiðsdag á kommunuskrivstovuni.   – Eg gleði meg at fara til verka, og tað er nógv, sum farast skal í holt við. Tíbetur hava góð fólk undan mær lagt góðar lunnar, so vit í dag búgva í eini vælvirkandi…

Vestmanna kommuna ynskir øllum eitt gott og eydnuríkt nýggjár, við tøkk fyri brátt farna árið.   Sum vant prýðir áhugafelagssakurin “blikkamenn/kvinnur” bygdina við blikkum. Kl. 23:00 skjýtur ein áhugafelagsskapur fýrverk á kaiøkinum við Havnaskrivstovuna, har tað sæst væl úr allari bygdini.   Vestmanna kommuna stuðlar tiltøkunum.

At brenna bál er hugnaligur siður. Men verður ikki rætt farið fram, kann sót og eitrandi evni í roykinum elva til heilsuskaða.   Tey, ið ætla at brenna nýggjársbál, skulu biðja um loyvi frá kommununi. Sambært grein 12, stk. 3, í kunngerð nr. 147, frá 19. oktobur 1995 um burturkast kann loyvi til at brenna…

Vestmanna kommuna ynskir viðskiftafólki og vestmenningum nær og fjar, eini góð og hugnalig jól, og eitt eydnuríkt nýggjár.

Vit standa nú á gáttini til jólafrítíðina, og í kvøld er síðsta kvøld Staðið er opið í ár. Opið verður sum vanligt frá kl. 19:00 til 01:00.   Her í desembur hava tey fittu børnini luttikið í eini hugnaligari verkstovu, har tey hava gjørt serstakliga flottar, litfagrar jóladekoratiónir. Hesar vøkru gávur verða nú handaðar búfólkunum…

Seinasti bygdarráðsfundur í hesi setuni varð mikukvøldið 18. desembur 2024, og varð bygdarráðið veruliga tikið á bóli av horntónleiki á kommunutrappuni Túsund tøkk Vestmanna Hornorkestur. Tit eru einastandandi og takk fyri allar løturnar, tit fjálga um bygdina við tykkara vøkru horntónum – Bjørg á Rógvi, borgarstjóri.    

Í sambandi við jólahøgtíðina og nýggjárið eru broytingar í innsavningini av húsarhaldsposum. Soleiðis verða húsarhaldsposarnir heintaðir komandi tvær vikurnar: Posarnir í vestmanna  verða heintaðir Mánadagin 23. desember og hósdagin 2. januar      

Í sambandi við høgtíðina verður kommunuskrivstovan stongd frá mánadegnum 23. desembur 2024. Opið verður aftur fríggjadagin 3. januar 2025 kl 09:00.   Hevur tú átrokandi boð til kommunuskrivstovuna um jarðarferð ella trupulleikar við vatnveitingini, vegir, kloakk o.tl. kanst tú ringja á tlf. 770 109. Barnaverndartænastan í VEKS svarar á telefon: 297 200  

Hagtøl fyri uppmøting á bygdarráðsfundum hjá Vestmanna Bygdarráði í 2024 eru nú gjørd. Hagtølini verða almannakunngjørd í viðheftu pdf-fílu niðanfyri.   Í 2024 vóru hildnir 15 bygdarráðsfundir og full uppmøting var til 5 av fundunum. Tá ið avboð kemur til bygdarráðsfund, verða boð givin til varalimin. Í 11 av 15 førum fekk varalimur møtt fyri…

Mentanarnevndin hevur samtykt, at Sarita Funn kann nýta svimjihylin ókeypis til at skipa fyri svimjing fyri kvinnur 60 +.   Soleiðis sigur Sarita um átakið: Allir kvinnuligir vestmenningar 60+ eru vælkomnir at svimja saman við henni í skúlanum: mánadagar og mikudagar klokkan 16:00 – 17:30. Um tú ynskir at melda teg til felagsskapin, kanst tú…

Dana Amal Imtihan Ali er sett sum kommunulæknaavloysari í Læknaviðtaluni í Vestmanna, f. Gunnhild Helmsdal, í tíðarskeiðinum:                         frá 18. desember til 29. desember 2024, báðar dagar íroknaðir

Skilagátt hevur vanligar upplatingartíðir til og við 23. desembur 2024.   Skilagátt er opið soleiðis um jólini: Fríggjadagin 27. desembur kl. 16:00 – 18:00 Leygardagin 28. desember kl. 14:00 – 17:00 Mánadagin 30. desember kl. 16:00 – 18:00 Týsdagin 31. desembur kl. 14:00 – 17:00   Opið er aftur sum vant frá 2. januar 2025.

Jan Haldansen, hevur stovnað fyritøkuna Explore Vestmanna by nature. Endamálið við nýggju fyritøkuni er at útleiga kajakkir v.m.. Ætlanin er at skipa fyri royndartúrum fyri bygdarfólkinum longu í vár.   Jan sigur, at økið við Jonh’sa handil er so sera væl egnað til kajakkvirksemi, tí har er sandur og nemt at koma í kajakkirnar. Har…

Í samband við arbeiði verður Ovari Vegur stongdur fyri gjøgnumkoyring. Ovari vegur – Inni á Fjørð – verður stongdur mánadagin 16. desembur frá kl. 08:00 til arbeiðið er liðugt. Í hesum tíðarskeiði verður ferðslan víst til Niðara Veg.

Á bygdarráðsfundi 30. oktobur 2024 samtykti bygdarráðið eina umraðfesting á 250 t.kr. til sølutorg Inni á Fjørð.   Ein innilokaður skúrur verður stoyptur afturat grøna skúrinum, og verður tað  SP/F Jóni Durhuus sum kemur at gera stoypiarbeiðið. Eisini er peningur settur av á fíggjarætlanini fyri 2025 til umvæling av gomlu betongbrúgvunum, sum skulu leggjast framvið…

Bygdarráðsfundur verður mikudagin 18. desembur 2024, kl. 17.00, á kommunuskrivstovuni.   Til viðgerðar fyri opnum hurðum     Mál 324 Endurskoðaða fíggjarætlan fyri Vestmanna Kommunu fyri 2. viðgerð J.nr.: 30102-1-2023   Mál 325 Umbygging av Vestmanna Skúla J.nr.: 8220002-1-2024   Mál 326 Umsókn um leiðu av lendið niðanfyri matr. nr. 266m. J.nr.: 8202002-7-2024    …

Vestmanna kommuna hevur gjørt makaskifti við SP/F Vesttrol soleiðis, at SP/F Vesttrol fær ognarrættin til lendið undir sjálvum smiðjubygninginum, sum er partur av leiguøkinum matr. nr. 249f á Heyganesi, til víddar 299 m2, og fær Vestmanna kommuna ognarrættin til matr. nr. 94e á Skálheyggi, til víddar 684m2 við ástandandi grund.   Grundin á Skálheyggi verður…