Í dag fyllir Sigurd Nielsen 100 ár. Sigurd er føddur í Vestmanna 23. januar í 1926 og hevur búð í bygdini alt sítt lív. Foreldur hansara vóru Sanna og Jens Nielsen. Tey fingu sjey børn, og Sigurd er tann einasti av teimum, sum eftir er. Hann vaks upp á Heygum í Vestmanna, og bygdu hann…
Mikudagin 28. januar kl. 16.00 verður innskriving í Vestmanna skúla. Góðu foreldur og avvarandi. Mikudagin 28. januar kl. 16.00 verður innskriving í Vestmanna skúla. Havið dóps- ella navnabræv við. Vinaliga útfyllið innskrivingarskjalið í leinkinum niðanfyri, áðrenn tit møta – tó seinast mánadagin 26. januar. Innskrivingarskjal Leiðslan, Vestmanna Skúli
Einaferð var økið ein stórur sandur. Síðan bleiv tað brúkt til bukkvald, ferjulegu í 90´unum, men í dag er økið Inni á Fjørð eitt stað har fyritøkur, miðnámsskúli og ferðavinnan halda til. Nú er ein heildarætlan gjørd fyri økið, sum skal snøgga og betra um, og samstundis binda saman verandi virksemi og bygdarlívið. Havnarnevndin í…
Eftir fleiri áheitanir fer Nærvarpið at endursenda sendingina, sum bleiv send gamlaárskvøld. Gott tilfar er funnið fram úr savninum. Talan er um áhugaverdar søgur úr Vestmanna og samrøður við kendar røddir. Millum annað við Heðin Winther Olsen, sála, Jógvan Durhuus, Inger Klein og onnur. Sent verður á FM 101.0 og rásin hoyrist bara í Vestmanna…
Ein nýggjur íbúðarbygningur varð reistur í Vestmanna í morgun. Talan er um ein bygning á Bakka við fýra íbúðum á 74 fermetrar. Byrjað var at seta lidnu elementini upp mánadagin og nú er bygningurin reistur. Tað er byggifyritøkan við Hjarvardi Kjærbæk, ið letur íbúðirnar byggja. EYA arkitektar hava teknað. Stórur eftirspurningur Í 2022 umbygdi…
Nógv fleiri børn, yvir hundrað á kvøldskúlaskeiði og hundraðtals hondbóltsdystir – Vestmanna í tølum og rákum. Hvørt ár savna vit ymisk hagtøl saman um kommununa. Hagtøl kunnu ljóða turr, men tølini siga í veruleikanum søgur um gerandisdagin, felagsskapin og tær smáu og stóru hendingar, sum mynda okkara lokalsamfelag. Eftir at bert átta børn vórðu…
Hondbóltssamband Føroya hevur boðað kommununi frá, at manslandsliðið í hondbólti ikki kemur at venja í Vestmanna í dag kortini, vegna vánalig koyrilíkindi. Tað eru sikkurt nógv børn, ið hava glett seg, at heilsa upp á landsliðleikararnar í dag, so tí harmast vit um avlýsingina, men vit hava fingið lovað, at venjingar hjá A-landsliðnum verða lagdar…
Eftir eitt væl eydnað kavakvøld á Fjalsvegi í gjárkvøldið, fara næmingar og lærarar at skreiða á Fjalsvegi í morgun. Ovari partur av Fjalsvegi verður tí stongdur millum klokkan 10.00 og 11.30. Aftaná fáa næmingar bollar og kakao í skúlanum.
Ógvuliga nógvur kavi er komin niður seinnapartin og tað heldur fram at kava. Báðar maskinurnar hjá kommununi eru runt og grava, men tað er trupult hjá teimum at sleppa framat í støðum fyri bilum, samstundis sum nakrir bilar hava rent seg fastar. Kommunan vil tí heita á øll um at koyra minst møguligt í bygdini…
Øll brekkan klødd við kava – kjúlala hey, fitt flyksingur fúkandi fleyg! Kommunan steingir ovara part av Fjalsvegi í kvøld ímillum klokkan 18.00 og 21.00, so børn og barnsligar sálir kunnu stuttleika sær á góðu brekkuni. So finn tær sletuna ella skíðurnar fram og kom út og hugna tær saman við øðrum. Kommunan bjóðar heitt…
Vestmanna kommuna hevur fingið áheitan frá bussførarum hjá Bygdaleiðum um at heita á fólk at ansa eftir, hvussu tey parkera – serliga tá kavi er. Tað er serliga á Niðara vegi – á Mørkini –, at trupulleikar eru hjá bussinum at sleppa fram við parkeraðum bilum. Hetta er ein vinarlig áheitan á fólk um…
Nýtt ár – nýggjar avbjóðingar? Okkum tørvar starvsfólk við runutum stivlum og blíðari rødd! Elskar tú at spæla, flenna og at fáa børn at røra seg – og sært tú virðið í at vera nógv uttandura? Her eru tveir dagar sjaldan eins. Vit renna, hoppa, byggja, klintra og finna uppá. Vit halda, at børn læra…
Vilt tú heilsa upp á Hákun West av Teigum, Óla Mittún, Elias á Skipagøtu og hinar hondbóltsstjørnurnar? Manslandsliðið í hondbólti venur í høllini Vestmanna hósdagin 8. januar. Eftir venjingina, áleið klokkan 16.30, verður høvið hjá øllum børnum í Vestmanna at fáa autograf ella mynd við leikarunum. Venjingin er liður í fyrireikingunum til EM-endaspælið í Oslo,…
Góðu vestmenningar Eitt ár er farið, og eg hyggi aftur við stórum takksemi. Fyrst og fremst vil eg takka tykkum øllum, sum her búgva og virka. Hvørja einastu ferð eg ella onnur í umsitingini hava vent okkum til tykkum um hjálp um eitt hvørt, um tað so hevur verið til tónleikatiltøk, gongutúrar, Vestmannadagar, jólatiltøk, nýggjársblikk…
Boytingar verða gjørdar í vanligu nýggjársskránni í Vestmanna, nú verðurforsøgnirnar boða frá nógvum vindi í kvøld og um midnáttarleitið. Fyri at festast kann í risastóru rakettirnar, samstundis sum trygdin er í lagi, er neyðugt við mildari veðri, enn boðað verður frá í kvøld. Tí verður fest í kommunala fýrverkið á kaiini longu klokkan 16.30 ella…
Gamlaársdag er at tendra fyri útvarpstólinum og seta á FM 101.0, tí tá fer lokala útvarpsrásin í bygdini, Nærvarpið, at senda. Funnið er fram gott tilfar úr savninum við áhugaverdum søgum úr Vestmanna og samrøður við kendar røddir, m.a. við Heðin Winther Olsen, sála, Inger Klein, Bjarka Skúvadal og onnur. Sent verður á FM 101.0…
Nú nýggjársaftan er í hondum, og siður er at brenna bál, vilja vit minna fólk á, at søkja um loyvi at brenna bál og at fara rætt fram. Tað er brunaumsjónarmaðurin hjá kommununi, sum skal góðkenna øll bál, áðrenn kynt verður. Hetta er sera umráðandi, so øll trygdarkrøv eru í lagi og so okkara Bruna-…
Nú jólini eru farin afturum, er sikkurt gott hjá børnum og familjum at sleppa at røra seg eitt sindur aftur. Ítróttahøllin er opin hesar síðstu dagarnar í árinum til frítt spæl. Um vikuskiftið eru hondbóltsdystir aftur á skránni. Vinaliga ruddið eftir tykkum og tveitið rusk í ruskspanninar. Takk fyri. VÍF selur fýrverk í forhøllini frá…
Kommunuskrivstovan er nú farin í jólafrí. Vit lata uppaftur mánamorgunin 5. januar klokkan 09.00. Skilagátt letur uppaftur 27. desember og hevur opið sum vant, undantikið 1. januar, tá Skilagátt er stongt. Hevur tú átrokandi boð, eitt nú um vatn, jarðarferð v.m., kanst tú ringja á 770 109. Barnaverndartænastan í VEKS svarar á telefon 297 200.…
Ungdómshúsið, Staðið, er stongt í jólafrítíðini. Opið er aftur sum vant frá týsdegnum 6. januar 2026. Vit gleða okkum at síggja tykkum aftur eftir ársskiftið við fleiri hugnaligum og stuttligtum løtum. Góð jól og gott nýggjár!
Skilagátt hevur opið millum jól og nýggjár, og annars er opið sum vanligt til og við 23. desember. Upplatingartíðir á Skilagátt um jólini: Leygardagur 27. desember, kl. 14:00 – 17:00 Mánadagur 29. desember, kl. 16:00 – 18:00 Týsdagur 30. desember, kl. 16:00 – 18:00 Mikudagur 31. desember, kl. 16:00 – 18:00 Fríggjadagur 2. januar,…
Hagtølini fyri uppmøtingina á bygdarráðsfundunum í 2025 eru nú uppgjørd. 13 bygdarráðsfundir vóru hildnir í 2025. Á átta fundum møtti alt valda bygdarráðið. Á trimum fundum møttu varalimir fyri bygdarráðslim. Á tveimum fundum barst bygdaráðslimi frá at møta, men eingin tiltaksimur var innkallaður. 84 mál vóru viðgjørd í 2025. Av teimum vóru 10 fyri afturlatnum…
Í sambandi við høgtíðina verður kommunuskrivstovan stongd frá týsdegnum 23. desember. Latið verður uppaftur mánadagin 5. januar klokkan 09:00. Hevur tú átrokandi boð til kommunuskrivstovuna um jarðarferð ella trupulleikar við vatnveitingini, vegir, kloakk o.tl. kanst tú ringja á telefon 770 109. Barnaverndartænastan í VEKS svarar á telefon 297 200.
Vestmanna kommuna leitar eftir einum húsavørði. Talan er um eitt fjølbroytt starv, har tú fer at arbeiða saman við hinum dugnaligu húsavørðunum at røkja og hava umsjón við húsunum og ognunum hjá kommununi. Talan er eitt nú um Vestmanna skúla, dagstovnarnar, ítróttahøllina, og ungdómshúsið. Førleikar Húsavørðurin skal hava viðkomandi handverkaraútbúgving. Viðkomandi arbeiðsroyndir eru ein…
