Vestmanna-, Eiðis, Kvíkvíkar og Sunda kommunur samstarva um barnaverndartænastu sambært galdandi lóg um barnavernd.
Barnaverndartænastan í VEKS er sett saman av tveimum pørtum: barnaverndarumsiting og barnaverndarnevnd. Barnaverndarumsitingin húsast í hølunum hjá Sunda kommunu á Oyrarbakkavegi 3 á Oyrarbakka og svarar á telefon 667271 í vanligari arbeiðstíð. Aðrar tíðir svarar vakttelefonin hjá barnaverndartænastuni á tlf. nr. 297200, teldupostur: bvt@sunda.fo.
Arbeiðið við barnavernd skal tryggja, at børn, sum liva undir við viðurskiftum, ið kunnu skaða teirra heilsu og menning, fáa neyðuga hjálp og umsorgan í rættari tíð, og at hjálpa teimum við at fáa ein tryggan uppvøkstur. Miðað verður eftir, at munagóð fyribyrgjandi tiltøk kunnu setast í verk í samstarvi við foreldrini, so trupulleikarnir verða rættaðir, áðrenn teir gerast tyngjandi í gerandisdegnum.
Barnaverndartænasturnar kring landið arbeiða í tøttum samstarvi við Barnaverndarstovu Føroya, ið hevur ein samskipandi og ráðgevandi leiklut
Barnaverndarnevndin
Barnaverndarnevndin er mannað við fólki úr teimum samstarvandi kommununum.
Í nevndini sita:
Lau Jensen, formaður (Eiðis kommuna)
Jóna Borgarlíð, varaforkvinna (Vestmanna kommuna)
Joan Vang, nevndarlimur (Vestmanna kommuna)
Siri Joensen, nevndarlimur (Kvívíkar kommuna)
Marsanna Ei. Tummasardóttir, nevndarlimur (Sunda kommuna)