Vatnnýtslan ov stór

Víst verður á at vatmongdin frá reinsiverkinum er minkað munandi í dag. Orsøkirn er helst at borgarar lata vatnið renna, meðan frost er, fyri at sleppa undan frostspreingingum. Tí heitir kommunan á fólk um ikki at lata vatn renna óneyðugt, og í ringasta fall at lata tað lagra.

veks bumerki

Terapeutar til VEKS

Søkt verður eftir: 2 fysioterapeut í fast starv 1 ergoterapeut í fast starv 1 ergoterapeut – farloyvisstarv til tann 31/10-2024 til nýggja terapeutiska toymið hjá VEKS. Starvsbrøkur 1,0 ella eftir nærri avtalu. Sum partur av nýstovnaða terapeutiska toyminum hjá VEKS hevur tú tilvísing til terapeutiska leiðaran. Toymið er í løtuni mannað við einum fysioterapeuti, sum…

Gott nýggjár

Vestmanna kommuna ynskir øllum eitt gott og eydnuríkt nýggjár, við tøkk fyri brátt farna árið.   Sum vant príða blikkamennirnir bygdina við blikkum og kl. 23:30 skjýtur ein áhugafelagsskapur fýrverk á kaiøkinum við Havnaskrivstovuna, har tað sæst væl úr allari bygdini.   Vestmanna kommuna stuðlar báðum tiltøkunum.

Kommunuskrivstovan um jólini

Vestmanna kommuna ynskir viðskiftafólki og vestmenningum nær og fjar, eini góð og hugnalig jól, og eitt eydnuríkt nýggjár. Í sambandi við høgtíðina verður kommunuskrivstovan stongd frá fríggjadegnum 22. desembur 2023. Opið verður aftur mikudagin 3. januar 2024 kl 09:00.   Hevur tú átrokandi boð til kommunuskrivstovuna um jarðarferð ella trupulleikar við vatnveitingini, vegir, kloakk o.tl. kanst…

Skilagátt – Upplatingartíðir um jólini

Skilagátt hevur vanligar upplatingartíðir til og við 23. desembur 2023   Skilagátt er opið soleiðis um jólini: Mikudagin 27. desembur kl. 16:00 – 18:00 Hósdagin 28. desember kl. 16:00 – 18:00 Fríggjadagin 29. desember kl. 16:00 – 18:00 Leygardagin 30. desembur kl. 14:00 – 17:00   Opið er aftur sum vant frá 2. januar 2023.

Reglugerð fyri flogfenaðhald

Vestmanna bygdarráð hevur á fundi 24. november 2023 samtykt reglugerð fyri flogfenaðhald, har endamálið við reglugerðini er at tryggja, at flogfenaðhald ikki er til ampa fyri grannar og onnur. Umhvørvisstovan hevur tann 6. desembur 2023 góð­kent reglugerðina. Reglugerðin verður sett í gildi tann 01. januar 2024, við heimild í §§ 26 og 32 í kunngerð…

Minst til at biðja um bálloyvi til nýggjársbálið

Nú verður aftur møguligt hjá borgarum at brenna bál á nýggjárinum. Á fundi 28. septembur 2023 samtykti bygdarráðið, at kommunan ikki skipar fyri felagsbáli í ár, og tí verður aftur loyvt hjá borgarum at brenna bál á nýggjárinum.   Tey, ið ætla at brenna nýggjársbál, skulu biðja um loyvi frá kommununi. At brenna bál er…

Broytingar í byggisamtyktini – almenn framløga

Við heimild í løgtingslóg nr. 13 frá 21. mai 1954, seinast broytt við løgtingslóg nr. 19 frá 18. mars 2013, um býarskipanir og byggisamtyktir verður við hesum boðað frá, at Vestmanna Bygdarráð hevur samtykt at gera hesar broytingar í byggisamtyktini fyri Vestmanna Kommunu: víðkan av sethúsaøki á matr. nr. 189b Matr. nr. 189b – galdandi…

Fipur til heimið

Fipur til heimið boðar frá, at brek er á elkaðalinum áleið frá Gerðisvegi 60 og út eftir. Arbeitt verður við at rætta brekið.

Skrá til bygdarráðsfundin 14.12.2023

Almennur bygdarráðsfundur verður hóskvøldið 14. desembur 2023, kl. 17.00, á kommunuskrivstovuni.   Dagsskrá: Til viðgerðar fyri opnari hurð:     Mál 243 Eykajáttan til umsókn um loftslyftir til Grønanes til 2. viðgerð J.nr.: 8301042-1-2023   Mál 244 Endurskoðað fíggjarætlan fyri 2023 til 2. viðgerð J.nr.: 30102-1-2022   Mál 245 Áseting av almennu fundardøgunum fyri fyrra…

Fipur til heimið

Fipur til heimið boðar frá, at meðan arbeiðið við at leggja fipur til heimið í Vestmanna er í gongd, kemur tað fyri, at teir fresa vatn- og gøtuljós leiðingar av. Sum fólk helst hava varnast, eru nøkur brek (vatn og gøtuljós) sum teir arbeiða við at fáa í rætt lag í dag. Fipur til heimið…

Fíggjarætlanin fyri 2024

Vestmanna bygdarráð samtykti við aðru viðgerð á fundi 23. novembur 2023  fíggjarætlanina fyri 2024. Skattaprosentið er kvinkað eitt vet niður frá 21,25% til 21,15%,  og barnafrádrátturin hækkar úr kr. 5.000 upp í kr. 5.500. Foreldragjaldið fyri dagstovnatilboðið – har foreldrini bert rinda fyri eitt barn – er óbroytt, somuleiðis millummálaskipanin við egnari køkshjálp á Dagstovnaøkinum.…

Posarnir í Vestmanna verða heintaðir mikudagin 6. desember – IRF

Húsarhaldsposarnir í Vestmanna, á Válunum, í Kvívík og á Stykkinum verða eftir ætlan heintaðir í morgin, mikudagin 6. desember (og ikki í dag, týsdag, sum áður er lýst). Vit vóna, at tolsemi verður víst arbeiðsfólki okkara hesa ársins tíð, tá ið arbeiðsumstøðurnar eru ikki so góðar.

Roknskaparleiðari til Vestmanna kommunu

Vestmanna kommuna søkir eftir roknskaparleiðara at byrja 1. mars 2024.   Talan er um eitt sjálvstøðugt og fjøltáttað starv, har tú sum roknskaparleiðari kemur at arbeiða í tøttum samstarvi við stovnar í kommununi og politiska myndugleikan.   Arbeiðsuppgávurnar eru m.a., at: gera fíggjarætlan, mánaðarroknskap og ársroknskap umsita dagliga bókhaldið, roknskapararbeiðið og fyrifallandi skrivstovuuppgávur gera tilfar…

Fíggjarætlan fyri 2024 samtykt við skattalætta og hægri barnafrádrátti

Onnur viðgerð av fíggjarætlanini 2024 varð á bygdarráðsfundi í gjár. Fíggjarætlanin varð einmælt samtykt á bygdarráðsfundinum hóskvøldið 23. novembur 2023. Skattaprosentið fyri 2024 lækkar frá 21,25 til 21,15, og barnafrádrátturin hækkar úr kr. 5000 til kr. 5.500. Stovnsgjaldið, har foreldrini bert rinda fyri eitt barn, er óbroytt. Øll fíggjarætlanin verður løgd út fyrst í desembur…

Vatnleiðingsbrot

Vatnleiðingsbrot er á veitingini omanfyri kirkjuna, og tí hevur meginparturin mitt í bygdini mist vatnið. Arbeitt verður við at umvæla brekið.

Fipur til heimið

Fipur til heimið boðar í morgun frá, at avbjóðingar hava verið at fingið fatur á asfalti, men nú verður farið undir at asfaltera skurðirnar í vegnum. Fipur til heimið biður fólk um at halda teimum til góðar at hetta dróg út.

Jól í Vestmanna 

Fram til Jóla eru fleiri tiltøk í Vestmanna, sum vit kunnu gleða okkum til.   Ley. 18. nov. kl. 16.00 – 19.00  Jólamyndir í Vestmanna  Jólamyndatøka í Vestmanna. Bílegg pláss á ditte@veingir.com ella skriva beinleiðis til Jólamyndir í Vestmanna  Sun. 19. nov. kl. 14.00 Jólafest fyri børn í Missiónshúsinum Jólafest fyri børn verður í Missiónshúsinum.…

Nýstovnað felag ætlar at gera ein mentanardepil í Vestmanna

Vestmanna bygdarráð samtykti einmælt á fundi tann 15. novembur 2023 at selja faktorhúsini, pakkhúsið og hjallin til felag undir stovnan hjá Jonhard Mikkelsen. Freistin at senda inn uppskot var tann 3. novembur í ár. Nevnda felag sendi inn útgreinað uppskot. Málið er at gera Fitjar til ein mentanardepil – ikki bara fyri vestmenningar, men ein,…